…litla lipurtáin…

… skrifaði svaðaleg flotta færslu hérna um daginn.. hummz um daginn - fljótlega eftir að ég kom frá yndislegu Dalvík. Kerfið neitaði að birta færsluna og henti henni bara…

Smá prufa hérna hvort þetta er enn í messi eða hvort ég geti farið að blogga eins og enginn sé morgundagurinn

LLL

Ég, Maron og Ægir skelltum okkur austur síðustu helgi í Úlfa-Grenið okkar í skóginum. Fyrsta mál á dagskrá og mjög aðkallandi var að fara á skíði, ég var nú pínu efins að við kæmumst á skíði þar sem frostið hefur verið ansi mikið síðustu daga.

Ákváðum að fara í Stafdal á Fjarðarheiði og spara okkur litla 100 km í akstur.
Það voru aðeins -16°c þegar við mættum á svæðið og sólin ekki farin að skína í brekkuna til að ylja okkur. Það breyttist nú fljótt og ég hugsa að það hafi verið um 10 gráðu frost í það minnsta, svo er auðvitað fljótt að kólna aftur…

Stafdalur er fínasta svæði… eeeeen Oddsskarð er nú samt í fyrsta sæti og verður þar
Öllum gekk vel að skíða og enginn tjónaði sig. Ég og Maron fengum að prófa bretti hjá Jökli vini Marons, það var ekkert smá erfitt og þvílíku átökin, alveg til að prófa það betur. Var steinstandandi hissa daginn eftir að vera ekki með neina strengi að ráði - bjóst við því að komast ekki framúr bólinu, er SVOOO mikill köggull hehe.
Það var auðvitað bara yndislegt að vera í bústaðnum, borða geðveiku humarsúpuna og sitja við eldinn. Veðrið var geggjað, stafalogn og máninn nánast fullur - hann tók það að sér blessaður þessa helgina

Maron fékk að gista hjá Jökli vini sínum á EGS og við buðum litla bróður hans, Kristvini, að gista hjá okkur í skóginum - allir vinir og rosa gaman.

Fórum í sund á sunnudeginum fyrir heimferð og hún var nú með skrautlegra móti sú ferð, eða þannig séð… það kom nú ekkert uppá sem betur fer en Liljan var nú ekkert að velta mikið fyrir sér veðurspá eða færð hehe. Lét bara pabba um það, hann var um klukkutíma á undan okkur.
Það kom mér sem sagt í opna skjöldu allur þessi snjór á heimleiðinni… vorum að skríða úr Breiðdalnum þegar það tók á móti okkur þvílíka snjókoman með bilaðri hálku… úfff bíllinn nánast skautaði þarna hjá okkur um tíma og hraðamælirinn sýndi heila 40 km/klst - gaman gaman.
Þegar við svo komum hjá Karlsá í Lóni þá var allt marautt, merkilegur andsk… segi ekki annað!!
Færðin lagaðist fljótt en það var kominn góður stafli af snjó á göturnar og ekki voru hreindýrin neitt að auðvelda okkur för, stóðu blísperrt á götunni og dilluðu dindlinum - verst að geta ekki tekið eitt í skottið

Stefnan er svona nánast að bruna aftur um þar næstu helgi og fara aftur á skíði, þá er löng helgi hjá guttunum og við gætum mögulega tekið fimmtudag til sunnnudags á þetta, það yrði bara yndislegt. Sjáum til hversu dugleg ég verð að læra mér og hvernig allt annað gengur… það þarf víst að vinna sér inn slíkan munað með dugnaði… jovist.

Sokkur varð eins árs þann áttunda, fæddur 08.02.08 =)
Held hann sé með lotugræði blessaður !!

Knús frá okkur í ólátagarði ***

Langar gífurlega að pikka nokkrar línur hérna, hef frá of mörgu að segja og veit bara alls ekki hvar á að byrja og enn síður hvar skal enda

Er búin að hafa það ljúft og gott síðan síðast, sem ég man ekki einu sinni hvenær var, svo langt er um liðið. Gekk vel í skólanum, ekki við öðru að búast þegar ég er annars vegar =)

Lýst lítið sem ekkert á þessa önn sem var að byrja, óvissan gífurleg og auðvitað er allt unnið fyrir aftan bak varðandi fjarnema og fer versnandi með hverju misserinu!! Sorglegt ferli það. Á að taka vettvangsnám frá miðjum mars til byrjun maí… hvar, hvernig, hvenær, hvers vegna… engin svör að fá og ekki möguleiki að skipuleggja eitt eða neitt. Það er eins og allir búi í 101, séu heimavinnandi og eigi þaðan af síður börn. Ástæðan fyrir því að við erum í fjarnámi er einmitt vegna þess að við eigum EKKI heima í Reykjavík, erum EKKI heimavinnandi, erum EKKI barnlaus.. svo ég tali nú ekki um þær sem eiga karlpunga að auki hehe - það er nú enginn smá pakki   nei nú er ég nú bara að grínast.

Ætli ég verði ekki bara rekin úr bókhaldinu hjá Rafhorni og Hind þegar þetta skellur á, þá get ég flutt til Reykjavíkur allslaus og sofið á bekk 5b á Hlemmi…  meira andsk.. ruglið. Er að reyna að láta þetta ekki fara í sinnið á mér og tekst það ágætlega. Það er nóg annað sem þarf að hafa hugann við.

Mig er farið að langa svo svakalega á skíði, veit ekki hvernig ég á að snúa mér í þeim málum… nema auðvitað að láta bara verða af því. Bruna í Borgina eða austur, langar að fara í Bláfjöll, hef ekki farið þangað í nokkur ár. Það kemur í ljós hvernig sá draumur fer, í vaskinn eður ei.

Er byrjuð að skokka aftur, góð tilbreyting frá setulífinu sem ég stunda   er á leiðinni í Sporthöllina en hef mig bara ekki þangað inn, veðrið hefur verið æðislegt til að vera úti en ég þarf að taka á fleiri vöðvaflokkum og það almennilega til að taka úr mér stirðleikann og leiðindin, hlýtur að koma að þessu hjá mér.

Mér tókst loks að byrja að nota nýju ferðatölvuna mína, ég var aðeins búin að afrita allt af gömlu og flytja yfir þrisvar sinnum!! Það er ekki í lagi með suma… straujaði gömlu svo um daginn og setti hana upp með einhverju gúmmulaði að auki og færði múttu hana, þannig að ég neyðist til að nota þá nýju    er búin að pikka og vinna á gömlu í tæp 4 ár, ekkert auðvelt að mynda tengsl við nýtt dótarí…

Best að snúa sér að lærdómnum, það bíða ærin verkefni og ekkert í boði að sitja bara og bora í … á sér. Knús í kútinn frá mér ***

steypuvinnan í skólanum þetta misserið, kláraði síðustu ritgerðina áðan - þvílík sælustund búin að fá 6 einkunnir, eftir að fá 7 einkunnir og svo 3 lokaeinkunnir byggðar á hinum 13… vá flókið hehe.

Ætla helst að vera agalega löt í eina 2 daga… sé það nú ekki fyrir mér en aldrei að vita nema það takist, sófinn og dass af leti - gerist vart betra. Aldrei neitt letilíf svo sem að reka heimili og sjá um ungana sína =O) ekki í mínu tilfelli í það minsta…

Nú tekur við mánaðarfrí frá skólanum, skipulagið í HÍ er nú reyndar ekki upp á marga fiska og ég veit ekki alveg hvenær 6. misseri byrjar, hef heyrt 13. janúar.. tek því nú með passlegum fyrirvara.

Er svo agalega geispuð eitthvað að hausinn á mér er freðinn og ég hef ekkert sniðugt að segja, var nefnilega að vinna á Víkinni í nótt - sem var bara æðislegt. Vorum með jólaglögg frá 22-24, sem sagt það kostaði 1.000 kjéll inn, lifandi tónlist og innifalið var jólaglögg og smákökur. Gerðum rosa kósý, eplakertaljós, snjóugar greinar og jólaskreytingar um allt… við eigum svo frábæra tónlistarmenn, sungu og spiluðu jólalög fyrir okkur til miðnættis, svo var aftur tekið að spila um eittleitið og þá var rokkað… gestur í salnum og alvanur söngvari með meiru, hann bekkjarbróðir minn, Bjartur Logi steig á svið og liðið dansaði sem aldrei fyrr. Bara gaman.. kom heim hálf fimm… sofnaði um sex… ekki sniðugt að snúa svona við sólarhringnum og taka 14 tima vakt, ÓNEI.

Glöggið hjá Gunnz var svaðalega gott og mikið hrósað. Það er víst ekkert grín að gera gott glögg.. hef ekki smakkað slíkan mjög áður en fannst þessi mjög góður, dæmi svo hver fyrir sig. Jólaglögg næsta laugardag, þann 13. og svo aftur þann. 20. ég ætla ekki að missa af því

Ætla að opna einn jóla túbba, sturta í belginn á mér og hafa það gott það sem eftir lifir kvölds… góðar stundir og extra stórt knús frá mér til þín ***

Usss mín komin á SVARTA listann hjá bluehost út af 40.000 kommentum sem ég kemst ekki til að henda, rusl kommentum sem eru að drekkja síðunni minni..

Verð líklega ða henda þeim öllum út, þá meina ég ÖLLUM líka þeim sem eru við færslurnar mínar, skæl, skæl… en svona er þetta bara.

Alltaf gaman að byrja uppá nýtt…

Knús frá lærdómshestinum á svarta listanum ***

Já, gærdagurinn - get alveg sagt að honum gleymi ég aldrei.

Lenti í ansi leiðinlegri flugferð frá RVK til Hafnar með guttana mína. Sem betur fer er ég þeim eiginleika gædd að halda ró minni í aðstæðum sem slíkum. Það sem var mest óþægilegt við flugferðina var að hafa guttana mína með mér og upplifa algjört hjálparleysi. En þeir stóðu sig með prýði eins og gamlan og reyndar allir í vélinni. Er með smá strengi í hægri hendi eftir a halda fast og vel í Ægi, Maroni fannst þetta bara gaman… sem er bara hið besta mál, ekki ætla ég að innleiða einhverja hræðslu hjá honum.

En að allt öðru og mjög svo eftirminnilegu,
ástæðunni fyri því að deginum gleymi ég aldrei
Sú stutta telur sig nú ekki vera mjög gamla, ekki orðin amma ennþá allavega
Fékk símtal eftir kvöldmat í gær frá minni kæru vinkonu á Dalvík.
Ég óðamála að segja frá fluginu og einhverju öðru fann lítið fyrir því að eitthvað lá minni kæru á hjarta… ég malaði út í eitt, get svo svarið það hehe.

Loksins þegar Ranka mín komst að þá voru það nú engar smá fréttir sem hún hafði að færa =O) þrátt fyrir ungan aldur er sú stutta búin að eignast nöfnu… já það er rétt, litla gullið á Dalvík á að fá nafnið Lilja Rós.
Ekkert smá fallegt og mín ekkert smá montin, ég varð orðlaus (sem gerist nú ekki oft) og búin að upplifa allan tilfinningapakkann tengdu þessu, gæsahúð, hjartasting (góðan), smá skæl, alsæla, eirðarleysi, mont, stolt… örugglega eitthvað fleira eftir að koma - þetta er bara yndislegt. Mín kæra á Dalvík hefur kallað mig í gegnum tíðina liljurósina sína og þaðan kemur nafnið… bara frábært.

Lilja Rós Harðardóttir á spítalanum á heimleið. (stolið frá Bjarna frænda hennar)

Haraldur Kristján stóri bróðir að gefa Lilju Rós snabbann sinn =O)
Falleg systkinin á Dalvík - get ekki beðið eftir að knúsa þau.
(Þessari er stolið frá pabbanum)

Liljan ætlar auðvitað að reyna allt til að mæta í skírn hjá litla gullmolanum, það er nú alveg lágmark ef þú spyrð mig… lífið er svo dásamlegt - segi ekki annað. Með öllum sínum verkefnum og óvæntu uppákomum leynist alltaf eitthvað yndislegt sem gjörsamlega sviptir undan manni fótunum og kemur manni á flug, þvílíkur heiður - ólýsanleg tilfinning - get alveg sagt ykkur það

Knús frá montnu liljurósinni sem er enn á flugi og engin lending væntanleg hjá henni ***

e.s. mig er nú búið að verkja mikið, mig langar svo norður, þetta er ekkert til að bæta það neitt

… merkilegt hvað það er vont að finna til í hjartanu, vöðvi sem vinnur í ósjálfráða taugakerfinu og ætti ekki að valda okkur hugarangri ef allt er í góðu. Svona er þetta, ég finn mest til í hjartanu þegar fjölskylda og vinir eiga um sárt að binda - samkennd/samhugur/samhyggð - falleg hugtök sem allir ættu að tileinka sér og hætta að nagast út í aðra og velta því fyrir sér hvers vegna aðrir geri hlutina svona eða ekki svona. Ég og aðrir höfum allan rétt til að gera hlutina nákvæmlega eins og okkur finnst best án dóma frá öðrum.

Ég er svo rík, ég á svo fallega stráka og duglega. Ég furða mig oft á því hversu duglegir þeir eru. Að hluta er það auðvitað uppeldið en einnig hvernig þeir eru að upplagi. Ég læt þá takast á við örgrandi verkefni reglulega og Ægir tókst á við eitt í dag og leysti það með sóma. Ómæld ást sem streymir til þeirra hvert sekúndubrot.

Tók myndklippu af Ægi í gær þar sem hann spilaði lagið Hátt í Hamraborgum á tvær blokkflautur í einu, snillingur þessi drengur er. Ægir með tvíböku blokkflauturnar.
Ég spurði Ægi hvort hann gæti lesið tvær blaðsíður í einu eins og THE Rain Man, eftir stutt próf kom í ljós að svo var ekki. THE Rain Man (sá sem myndin var gerð eftir) gat lesið tvær blaðsíður í einu þar sem vantaði heilatengslin hjá honum, sem tengja saman hægra og vinstRA heilahvel. Þetta væri ekkert slæmur kostur í Háskólanámi þar sem lesefnið er viðbjóðslega MIKIÐ…

Þarf að taka upp klippu af Maroni spila á trommurnar, það er þvílíka snilldin, ég skil ekki hvernig þetta er hægt. Gera nánast sitt hvorn taktinn með öllum útlimum… óskiljanlegt.
Það er ekkert leiðinlegt að heyra í þeim glamra á Fenderinn minn, rafmagnsgítarinn og hljómborðið hérna uppi, vinir Marons eru held ég flestir að læra á hljóðfæri

Fór í vínklúbb í gær, þvílík sæla. Þuríður lá ekkert á kræsingunum og mér leið eins og belgsvíni þegar ég kom heim. Takk fyrir kvöldið stelpur - alltaf jafn dásamlegt að hittast, eta, drekka og babbla um allt og ekkert, aðallega ekkert. Kom heim hlaðin áfengi eins og fyrir mánuði síðan, nú þarf stelpan að fara að bjóða í svelg-teiti og losa um þessa birgðastöðu, ekki gott að vera með of miklar birgðir um áramót hef ég heyrt

Mig laaaangar SVO austur í bústaðinn… er alveg iðandi. Ef ég vissi 100% að ég þyrfti ekki að fara í Zorabyggð á mánudaginn þá færi ég - hratt og örugglega. Er bara ekki að nenna þessu rússi núna, keyra heim sunnudag og keyra svo kannski til RVK á mánudag - fæ nú bara netta ælu í hálsinn. Ég bara verð að komast í sæluna fyrir árslok - annað væri hneisa.

Sú stutta er annars bara nokkuð kát og ekkert búin að læra í dag…
get svo svarið það - finnst það ótrúlegt sjálfri og kannski ég sé bara með hita… hehe.
Knús á línuna frá mér ***

.. ég er einn af þeim eftir rallýferðir í Zorann síðustu vikur, þetta er orðið gott.

Mér er kalt, er með kuldahroll að innan sem utan og í ofaná lag er ég með kjánahroll líka, þeð er heldur verra og jafnvel kaldari en hinn hrollurinn.

Er að verða búin að jafna mig á veikindum sem eru búin að vera að hrjá mig, svona hálflasin í hvað.. einhverja 10+ daga, alveg óþolandi leiðinlegt. Ekki það, hef ekki gefið mér tíma til að vera lasin og þá vill þetta detta í þennan farveg.

Nú er bara að hugsa vel um sig og halda áfram að læra og sinna öllu öðru líka. Halda sig á strikinu og láta ekkert breyta því, ekkert annað í boði þessa dagana. Styttist í skólalok en samt ansi mörg verkefnaskil á næstunni… pjúff - þetta hefst eins og ALLTAF.

Harka af sér helvítis leiðindin og smæla framan í heiminn
Knús frá þeirri stuttu til þín  ***

Ljós í myrkri, langt og mjótt
markar upphafið hjá þér.
Allt í einu ertu kominn
inní heiminn, lítill dofinn.
Dregur andann hið fyrsta sinn

Þú ert vorið, vindur hlýr
vekur hjá mér nýja kennd.
Og ég græt í gleði minni,
þú gefur mér með návist þinni
svo miklu meira en trúði ég

Líf - ljómi þinn er skínandi skær.
Líf - augu þín svo saklaus og tær.
Fegurra en nokkuð annað.
Áhrifin ótvíræð:
ég svíf
því ég á
þetta líf

Óskadraumur - ásýnd þín.
Ekkert jafnast á við það.
Þó mig þúsund drauma dreymi
þessa stund ég alltaf geymi
í mínu sinni ókomin ár

Líf - ljómi þinn er skínandi skær.
Líf - augu þín svo saklaus og tær.
Fegurra en nokkuð annað.
Áhrifin ótvíræð:
ég svíf
því ég á
þetta líf
Lag og texti: Stefán Hilmarsson