February 27, 2007

Tvíbökur

Filed under: Rausið mitt — liljurósin @ 8:06 pm

Hún æskuvinkona mín og vinur, Áslaug og Helgi fengu tvíbökurnar sínar í fangið í dag. Ég var svo spennt yfir þessu öllu að ég bara varð að hringja í Skeggja og fá nánari fréttir =O) Skeggi var auðvitað að springa úr monti og gat sagt mér að þetta gekk eins og í sögu hjá þeim og öllum fimm heilsast vel =O) sem sagt Áslaugu, Helga, Jóni Skeggja og tvíburunum. Hún Áslaug er nú bara fædd til að ganga með tvíbba, svei mér þá… svo ég tali nú ekki um að koma þeim í heiminn =O)

Strákur og Stelpa, Áslaugar og Helgabörn

Hér eru krílin nýfædd, strákurinn vinstra megin og stelpan til hægri… ég er sko búin að horfa á þessa mynd í allan dag hehe, eða síðan Skeggi var svo sætur að senda mér nokkrar myndir. 

Til hamingju elskurnar og ég get ekki beðið eftir að koma í Borgina í marz og skoða, vá hvað það verður gaman. Knús á línua ***

February 21, 2007

Snilldin ein

Filed under: Rausið mitt — liljurósin @ 11:01 am

Ef þetta er ekki snilld þá veit ég ekki hvað.
ÓBEISLUÐ FEGURÐ

Ég og Bjögga erum að flytja á Ísó ef ykkur langar í nýbakaðar kleinur og ískalda fitusprengda mjólk.

EllEff og BéEff

February 6, 2007

Bensli - dragbindi - rafrykkja =O)

Filed under: Rausið mitt — liljurósin @ 2:53 pm

 rykkja

Bensli - dragbindi - rafrykkja =O)
Þetta er einstaklega nytsamlegur hlutur og ég er alltaf að heyra um fleiri og fleiri hagnýt not benslis. Nú síðast á jólahlaðborði á Smyrlabjörgum. 

Notagildi: handjárn, halda saman rafmangsstrengjum af ýmsu tagi, festa skjólplötur við svalahandrið, festa saman rúmfætur á hótelherberjum þegar stunda skal bólfimi af miklum móð =) festa einstefnuloka við dæluhús, sem sagt til ýmissa hluta nytsamlegt og leysir mörg vandamálin.

Sem sagt: first aid kit hjá rafvirkjum og fleirum =O) eða??

 

Ætlaði að panta mér rauðan sófa og brúnt sófaborð áðan, sófinn er til en ekki áklæðið og borðið er ekki til heldur og ekki hægt að leggja inn pöntun - held ég sé farin að átta mig á því afhverju mér leiðist að versla og eða reyna að gera tilraun til að versla…

Mikið er ég sæl að hann Jón Pétur (50% af Jóni Pétri og Köru) skuli vera hér að kenna dans =O) Það verður fróðlegt að sjá útkomuna úr þeirri kennslu - ég get ekki beðið. Annar fæ ég alltaf netta gæsahúð þegar ég sé manninn… æji… 

Hér á bæ er verið að skipuleggja smá ferðalag - Maroni langar í körfuboltaferðalag á Selfoss og mig langar ekki að vera vonda mamman og segja nei… Á eftir að ná um þjálfarann sem er litlu eldri en Maron og athuga hvernig þetta á allt saman að vera. Hugmyndir eru uppi að fara með drenginn á mótið og við Ægir myndum gista og læra á Hvolsvelli á meðan =) ekkert ákveðið en í deiglunni eins og maðurinn sagði, en svaðalega yrði nú gaman hjá okkur =O) ójá ég er nú aldeilis handviss um það.

Jæja farin að læra - seinna ***