…litla lipurtáin…

Vaknaði allt of snemma í gær - til hvers?? Jújú sú stutta var búin að skrá sig til leiks í gríninu www.iformi.is og keppnisgreinin var fótbolti. Ég er farin að halda að ég hafi kannski bara fengið högg á höfuðið án þess að muna til þess halló Liljan farin að æfa fótbolta!!!

Mætti, sá og tapaði BIG TIME - þetta var alveg hrikalega gaman, tognaði reyndar lítillega í nára sem þíðir það að sú stutta var ekkert að glenna sig í gær við lærdóminn hehe.

Rest af deginum eyddi ég í lærdóm - jamm smá pressa núna. Verkefnaskil á morgun í einu fagi og svo ritgerð á föstudaginn í öðru fagi og lesefnið fyrir þá ritgerð er slatti í poka, auðvitað á engilsaxnesku en ekki hvað - mest af því allavega. Ég gerði samkomulag við sjálfa mig (já ég er rugluð) ef ég myndi klára x-mikið af lesefni þá ætlaði ég að verðlauna mig og fara á ball og mála bæinn rauðan á slaginu 2200 var ég búin, og það voru sko átök að klára, ómæ hvað ég var orðin dofin í höfðinu og eirðarlaus… úfffff.

Eftir lesturinn stökk ég inn í ísskáp, togaði í teit og sturtaði ofaní mig einum ísssssköldum. Í sturtuna, í djammgallann, út á Vík í smá upphitun og svo beint í dansgírinn. Ég var varla mætt á svæðið þegar ég rak augun í risatjald upp á vegg og þar runnu í gegn myndir ef fótboltahetjunni mér hehe… augnabliki síðar var ég komin með silfurpening (ólympíuleikar hvað!!) um hálsinn - talandi um flott kvöld, bara snilld. Takk fyrir frábært kvöld allir sem ég fékk að knúsa…

Sú stutta › Silfurhafinn :)

Varð næstum úti á heimleiðinni, það kom úrhellisrigningarógeð og ég byrjaði að skokka… næst kom HAGLÉL, bara sísvona, ekki upp úr þurru, ónei… þá flýði mín inn í Sparisjóð til skjóls - þegar élinu létti skokkaði ég rest og á mér var ekki einn þurr þráður!!

Það var lítið annað að gera en skella sér í sjóðheitt brúsabað og skríða svo í sófakúr þegar heim kom, enda voru 2 karlmenn búnir að hertaka bólið mitt Í dag er ég agalega spræk en voðalega geispuð, ætla að fínisera verkefnið fyrir morgundaginn, éta sukk og hafa það ljúft - held það verði jafnvel tekinn sófinn á þetta í kveld með smá kertaljósi og lopasokkum eeeef ég verð dugleg í dag.

Eftir kvöldmat í gær þóttist litla dýrið mitt hann Ægir vera agalega hungraður í safaríku og mjög svo góðu melónuna sem ég verzlaði fyrr um daginn - mest af henni fór í ruslið. Myndirnar tala sínu máli og…. þetta endaði sem Melon head alltaf gaman að grallarast smá, sér í lagi þegar mamma tekur til eftir allt gamanið
Ef þið eruð að spá hvar Maron var, þá var hann í tölvunni - surprice haha…

Knús frá þeirri ofuránægðu með að vera á lífi til að njóta silfursins ***

e.s. ég er sko enginn öldungur þó það sé verið að tuggast eitthvað á því orði á þessari heimasíðu þarna, Í formi

Jeppz, lét plata mig í tuðruspark í gær.. og það var bara rosa gaman, lifði þetta sem sagt af og fékk ekki einu sinni strengi - kom mér verulega á óvart. Okok var kannski ekkert að fórna mér en halló reyndi nú að gera eitthvað hehe.

Auðvitað kann ég EKKERT í fótbolta, ekki frekar en þegar ég var 14-15 ára, þá lét ég hana Friðdóru mína plata mig bæði í fótbolta OG handbolta… jahérnahér talandi um að vera áhrifagjörn hehe. Endaði í Karate eftir að vera búin að láta einhvern trukk frá Djúpavogi klípa mig, hrinda og kremja í einhverjum leik. Fékk meira að segja flash back frá þeim tíma, þá voru svona krossviðarplötur settar upp í kringum völlinn þegar var keppni, vá hvað það var yndislega vont að láta hnoðast á sér upp við þær… mundi nákvæmlega af hverju mér fannst þetta ekki skemmtilegt og í kringum gervigrasvöllinn eru auðvitað svona rekkverk…

Sú stutta er meira svona í einstaklingshyggjunni, ekki útaf neinu sem ég elska að vera í sundi, á skíðum og skautum… jamm það er ég og snillingur í þessu öllu eru ekki alveg að koma páskar með árlegri búðstaðaferð og skíðum!!

Eins og mín kæra Viktoría sagði um daginn.. (hlakka til þegar fer að hausta og þú ferð að blogga aftur), merkilegt hvað það er eitthvað gott að finna afsökun til að læra ekki og gera eitthvað allt annað eins og að blogga, taka til, skúra, setja í vél, kíkja í ísskápinn, fara krús á hjólinu, opna allar skúffurnar í kommóðunni góðu - dásamlega ruglaður sem maður getur verið.

Ætla samt að drífa í því að klára að setja upp viðtalið sem ég tók í gærkvöldi, heh það var fyndið. Ég og ónefnd vinkona mín skvettum í okkur einum malibu í appelsínusafa og svo tók ég viðtal við hana, vorum svo rólegar á þessu og eðlilegar - elska fólk sem er tilbúið að gera mér greiða, hvar væri ég annars. Búin að þurfa að bögga fullt af fólki í gegnum þetta nám mitt og á eftir að gera enn meira af því - Bjögga frænkz ber auðvitað hitann og þungann af þessu öllu, gisti alltaf hjá þessari elsku á Grund í Grafarvoginum þegar ég þarf í Zorabyggð - þú veist ég elska þig sæta mín

Ég og Ægir fórum einmitt krús á hjólinu á… humm mánudaginn, gripum tækifærið þar sem hér hefur rignt í 9 daga fyrir utan þennan eina dag - úfff þetta er að verða gott. Þeir bræður Maron og Ægir fóru í sirkus það kvöld og voru alsælir með sýninguna - ég fór í sirkus hérna um árið í Bristol með Viktoríu og læt það duga að sinni

Jæja, sendi mitt innilegasta knús til þín frá mér ***
e.s. næsta æfing er á morgun